邓丽欣称密密飞台湾为公事　甜蜜谈与男友王子近况：见佢系顺便！

邓丽欣（Stephy）周四（5日）出席时尚品牌活动，表示为将会上映的电影《金都》感到兴奋，因为有份参演的同时电影主题曲也是由她主唱：“数下手指，唔经唔觉原来自己四年冇入过录音室，所以录音𠮶日感觉都几陌生，都要啲时间适应下𠮶个感觉，但录返音又几挂住呢种感觉。”Stephy又表示很喜欢这首歌，只因唱出她与电影之间的关系，歌曲也是由好朋友林二汶当监制，又更为开心。

录制新歌之后会回归乐坛？Stephy回答说：“当然录完呢首歌系有啲心郁郁嘅，有啲挂住；但自己始终都坚持暂时都专注喺电影上面先。我唔想太分心去做一张唱片或者音乐。”会否想先在电影圈取得肯定？“呢啲睇缘份，从来做任何嘢都唔系为咗奖项或结果，尤其是电影自己都好坚持系钟意嘅题材，或者系支持嘅导演，唯有尽自己能力去做，希望大家钟意。”

Stephy近来频频飞往台湾，她就说是工作的缘故：“始终自己有间店喺𠮶边，有好多时开会或者处理事务都要飞过去。”问到会否多了时间与王子（邱胜栩）拍拖，她就说：“都系顺便㗎咋！”近日在Stephy上载照片的太阳眼镜倒影中，有眼利的网友发现了王子的纵影，她就甜蜜笑说：“其实只系好普通一张相，唔系刻意㗎！只不过大家好眼利。（之后会多上载合照？）其实到而家我哋嘅合照唔系好多张，我其实唔想刻意好高调，适当嘅时候咪上载啲，舒服就得！”