余德丞强调周秀娜只系“邻居”　 两个绯闻女友拣边个好？

余德丞（Dickson）今天（5日）出席TVB举办的《9月星辰》活动，他指生日当天（9月2日）是留在家中与母亲度过：“其实踏正凌晨零时零分我喺屋企睇紧英超，热刺对阿仙奴，因为系我生命足球占咗我好重要部分。”

近日传出Dickson恋上女神周秀娜，二人更因成为邻居后日夜见面而传出绯闻。对于被指交往了一段时间，Dickson虽已否认，但仍被传媒追访：“我同佢（周秀娜）认识咗一段时间，但梗系唔系好似报道话拍拖三个月。做邻居闲时都会撞到吓，咁你都成日撞到你邻居，而邻居嘅意思即系隔离左右，楼上楼下，搭同一部升降机可能会撞到，就好似六合彩咁。”

Dickson入行后传过最长一段时间的绯闻对象是蔡思贝，现在再多一个周秀娜，两位绯闻女友难免会被人比较，Dickson笑言无需作比较：“其实两个都系倾得埋嘅好朋友，冇话比较边个好啲。佢两个性格都爽朗，因为‘物以类聚’，大家都系𠮶个性格就会走埋一齐玩。我觉得做得朋友真系夹先可以，唔系出嚟会面阻阻。”