何超盈囡囡荷包蛋首曝光　改名Audrey Rose源自柯德莉夏萍

赌王千金何超盈早两日荣升妈妈，为未婚夫辛奇隆（Thomas）剖腹诞下8磅重BB女，比预产期早两星期。大家一直叫BB女做“荷包蛋”，原来已经改咗名，呢日BB女样貌仲首次曝光。

四太梁安琪升呢做婆婆后，29号于医院接受访问时开心透露，孙女好多头发个样似足妈妈。呢日终于见到“荷包蛋”个样啦﹗超盈朋友于IG上载照片，见到瞓喺医院BB床上嘅“荷包蛋”好梦正甜，面圆圆肥嘟嘟，头发相当浓密，眼线好长相信系个大眼美女。

相片中仲写上“Welcome Baby Audrey Rose”相信应该就系“荷包蛋”嘅英文名。Audrey源自经典女星柯德莉夏萍，据知赌王同四太都好钟意柯德莉夏萍嘅电影，超盈英文名Sabrina都系来自柯德莉夏萍嘅电影，两母女唔只似样连英文名都有关连，真系好甜蜜呀。