【街坊财爷】苑琼丹笑称被郑则仕呃：要做佢继母明显细佢20年啦

苑琼丹（苑仔）应郑则仕（Kent哥）邀请，相隔3年后重返TVB拍摄《街坊财爷》，剧集于下星期一（7月2日）首播，苑仔亦相当落力宣传这剧集。今天（29日）她接受《香港01》访问直言这次遭到Kent哥欺骗：“剧里面要我饰演佢阿妈，好明显我细佢20年啦。其实我就系佢继母，剧里面又要当佢系仔咁样，但我又心怀不轨，所以剧里面成日设计佢。”

Kent哥在访问中大赞她是搞笑高手，这世上没有第二个像苑琼丹风格的人，所以在搞笑方面苑仔是独树一帜，苑仔回应表示：“如果唔想观众会觉得话‘睇过啦，乜又系呢啲呀？’，而每一次遇到嘅对手都唔同，你都要去同对手夹呢方面点处理。其实我原本好担心同邵美琪妹妹夹，因为佢不嬲做开花旦，拍喜剧怕佢会有少少唔知点做，点知我同佢最夹，大家剪完条片出嚟话妳哋节奏好啱，咁做到老学到老，系佢身上学咗好多，因为佢个人好简单，好快进入状态。”

苑仔表示不会抗拒接受学习新事物：“作为地球人我觉得地球每一日都有事要你去学习。其实依家开始系年轻人主导呢个演艺界，咁我哋遇到新对手都要同佢哋学习，新话题又需要学习。我哋呢啲叫做老前辈，真系需要打开自己心扉去学多少少事，接纳更多，咁样你先会有进步。譬如咁讲，我系Kent哥身上会学著到配合，一件事嘅一百分唔系一个人，而系共同合作成果。另外就好似吴业坤（坤哥）咁，佢系一张白纸，我会成日整蛊佢，令到大家更容易投入气氛，呢件都系一件好事，我真系每日都系到学习紧。”