【她她她的少女时代】姚嘉妮长腿好吸睛　仲同罗天宇发展姊弟恋

TVB新剧《她她她的少女时代》播出后反应不俗，剧情讲到失婚的迎风（田蕊妮饰）面临人生巨变，但幸好身边有一班好友支持。当中饰演Janice的姚嘉妮（嘉嘉），以过来人的身份积极鼓励迎风重新振作，被视为“中女”的模范！不少观众都大赞嘉嘉相当抢眼，尤其是Fit爆的身形十分吸睛！

饰演阿田好友的嘉嘉，虽然经历离婚，但就分到前夫一半身家，所以离婚后依然可以出入高级场所，打扮时尚又有品味，过着阔太的上流生活。嘉嘉在接受《香港01》访问时，就透露今次的造型花了不少心思：“其实做靓女角色都几大压力，因为好惊唔靓。首先自己唔觉得自己好靓啦，但如果要做一个靓女又会好担心今日个妆化得好唔好呀，生暗疮皮肤就唔靓啦，头发又要Keep住好靓啦，呢啲压力系大嘅。今次服装𠮶边都畀咗好多好靓嘅衫我，差唔多每一场戏我嘅衫都系唔同嘅，所以服装落咗好大功夫。”

选美出身的嘉嘉，样貌身材都十分出众，尤其是一双长腿非常煞食。虽然已经生了一仔一女，但保养得宜的嘉嘉，一直Keep住窈窕身形。而在剧中她更有一场游水戏，以黑色泳装上阵的嘉嘉，大骚Fit爆Body。不过其实拍摄时正值冬天，她要在泳池中来回游水，相当辛苦：“真系好冻呀，同埋我系好怕冻嘅人，但冇办法。间屋喺飞鹅山，所以冻上加冻，啲水好似冰咁，唯有顶硬上，夹硬冲落去。”

而正正是这场游水戏，就成功俘虏年少的Desmond（罗天宇饰）。天宇在剧中饰演一名有钱又靓仔的健身室老板，在见到嘉嘉“出水芙蓉”后，就喜欢上对方：“我同天宇有啲啲感情戏，佢爹哋系我师父，所以我都会喺佢屋企出入，咁佢又觉得呢个姐姐好锡佢，对佢好好，所以一路对佢有好感，钟意佢。但我哋就误会咗，因为佢话佢钟意姐姐，我就以为佢钟意阿田，仲叫阿田去马，之后先发觉原来佢钟意我。”

今次同天宇拍感情戏，虽然嘉嘉未有透露两人在剧中的亲密程度，但就大赞对方：“剧本写得好好啦，所以系好自然嘅。天宇会同你有商有量，应该点会好啲呀，成日会问你意见之后先做𠮶场戏，同佢做对手戏好舒服。”