汤洛雯不怕妹妹遇挫折跌倒：我系一个比较狠嘅家姐

汤洛雯（Roxanne）周二（27日）出席无线综艺节目《娱乐大家》录映，为节目担任嘉宾。节目中，主持们和嘉宾会大玩游戏，Roxanne自爆自己在这方面非常逊色，而且从未玩过“狼人”（一种桌上游戏），这次是第一次接触，Roxanne笑言：“我唔识㗎，用脑嘅游戏我系比较差嘅，不过佢哋头先都帮我做咗个补习班，有一班人特登唔放饭陪我补习。”

对于不时有网民期待Roxanne跟旧爱罗天宇（Joey）复合，两位当事人曾多次回应，日前Roxanne就再在IG发文澄清她跟Joey只是好朋友的关系，现在和将来都不会复合，被问到为何再次否认，她说：“因为我觉得大家好似自从《3日2夜》之后就开始不停有呢种想我哋复合嘅声音，我唔想大家对我哋有好大嘅期望，所以我就觉得有需要澄清返，都唔想大家再谂，咁我都要有下一段感情㗎嘛。”

另外，Roxanne的妹妹汤乐瑶（Cassandre）在IG也有极高的人气，不过Roxanne就指妹妹未有入行的打算，她说：“因为佢而家读紧法律，佢都想做律师，佢而家做嘅工作都系赚吓零用钱，佢又钟意做KOL，赚吓钱、玩吓。”Roxanne又自言并不是“呵护型”家姐，有时网上的留言可能会好苛刻，她不会特别心痛妹妹，她说：“我做家姐我反而希望佢会跌倒，佢跌过、伤过，就唔会再犯同一个错，所以我系比较狠嘅一个家姐嚟。”