【后生仔倾吓偈】冯盈盈分享日本家电初体验　麦明诗：喷到唔处女

最新一集《后生仔倾吓偈》以“装修迷思”为题，刚刚同男友宝宝成功置业嘅冯盈盈自然有唔少嘢可以发表，提到装修重点时，FYY话将重心放喺客饭厅，并指一定要有云石加金线嘅feature wall，另加“玻璃北欧简约风吊灯、圆形灯糟 配气氛灯、云石台、镜柜”。成年事，犹如6号所讲:“土豪”。但FYY就完全唔认同，并强调屋企一定要有云石饭台、云石茶几、柜要系云石面、同埋一定要有云石嘅feature wall……点解一定要有feature wall呢?FYY解释系想多风格地影赞助商品，绝对系工作需要。

至于6号嘅装修重点，佢就话一定系要有喷水厕所，并谓每次去日本旅行时，最享受马桶喷水嘅感觉。讲到喷水式厕所，FYY就话新屋都有一个。“其实我去咗咁多次日本旅行都无用过，因为觉得喺共工地方用有啲担心，所以装左喺屋企，第一日搬入去就就嚟个处女下海式初体验，点知……”未待FYY讲完，麦明诗就话:“喷到唔处女。”搞到FYY完全唔知可以点接落去。

FYY之后继续分享喷水式厕所嘅用后感，不时大赞好舒服，又指“啲水柱暖暖哋，你可以拣喷前喷后……”呢个时候，麦明诗又忍唔住问“会唔会令你有啲反应？”似乎有意将话题成人化，但可惜嘅系，FYY竟然一时接唔到招，“嗯”完一轮之后，才表示“个反应系令你觉得自己好干净”，但麦明诗并未有因而放弃，继续问“会唔会好high”，似乎觉得呢个喷水式厕所有多个不同嘅用途……眼见麦明诗不停“成人化”，最后连6号都忍唔住出声话“个水柱都可以射到好high”作为总结。