张致恒旧爱April拍片报平安　认分手伤痛难愈：朋友24小时陪住我

张致恒（Steven）在上个月底突然宣布结婚及已诞一子，之后被爆出“一脚踏五船”，与多名女性纠缠不清，当中包括舞台剧演员女友梁皓恩（April）。事件发生后，April曾在IG发文暗示想寻死，情况令人担忧。相隔多日，April今日（17日）终于蒲头，在IG上载了一条约7分钟的短片，感谢大家的关心和支持。

April曾在IG留言：“点解忽然世界末日?!#我怕过唔到今晚#被偷走的那五年”惹来外界猜测她看不开。今日她在IG发文：“Something to Share，衷心谢谢每个朋友的关心和爱，陪伴我过渡过段时间。以后的路还很长，愿大家继续陪我一起成长和学习。Where there is pain there is love.”

April在片中坦言拍摄这段短片不容易，而拍片的初衷是希望多谢在这段时间关心她、支持她的朋友，并指自己现时OK，她更解释当初Post中的“#被偷走的那五年”并非指两人拍了拖5年：“其实系因为我睇到张生个Post之前𠮶晚，我睇咗一套台湾嘅电影叫《被偷走的那五年》，睇完之后就有啲感想，然后就Send Whatsapp畀张生，其实个hashtag系畀佢睇嘅，我冇谂过两个人嘅事系可以发展到咁大，咁多回响。所以我想同大家讲返我同张生拍拖系17年，以我所知同佢之前嘅女朋友系冇重叠到，所以都希望唔会因为我一直冇讲而令大家受到伤害。”

她透露其实在与Steven拍拖初期自己有服用抗抑郁药，但当时Steven好有耐性、好有爱地一直陪伴在自己身边，令她病情大有好转，直到现在都不需要再食药。虽然Steven后来工作变忙，但她都从未有怀疑，直至知道对方已经结婚同有小朋友的消息后大受打击：“我知道张生结婚同有小朋友嘅消息，同大家嘅时间系一样，因为我都系出post之后我先知，我亦都揾唔到佢，𠮶阵我系极大打击嘅，同埋我一直都同佢同居，所以我冇谂过可以咁严重。”最后April再次多谢关心她的人：“真系靠我啲朋友24小时陪住我，等我唔会做傻事啊，因为我都好弱，所以真系靠每一个人每一点一滴嘅帮助令到我喺呢一刻仲可以同大家报平安，我都唔知之后嘅路会点。”