【任性的你】关智斌加入抢飞行列：好明白见到绝望座位表嘅感觉

关智斌（Kenny）周二（13日）出席电影《任性的你》开镜拜神仪式，说到迎接演唱会的心情：“心情几紧张，因为第一次喺歌手都梦寐以求嘅地方做一个表演，同时亦都因为有机会喺台上表现自己而觉得兴奋，系好感恩嘅一件事。”从BOYZ成员张致恒（Steven）被揭“一脚踏几船”，导致原订于9月14日举行的BOYZ红馆演唱会搁置；及后网民纷纷集气，使Kenny最后以个人身份登上这个甚具意义的舞台，问到失而复得的心情怎么样，Kenny说：“其实我都唔知点形容呢两个月嘅心情，太多嘢都太Dramatic，我到而家都未消化得晒，但我全部主力就系要搞好呢个Show！”

关智斌日前公布《Kenny is Born关智斌演唱会》海报，海报写上的嘉宾阵容包括：张敬轩、容祖儿、古巨基、Twins，Kenny就感谢他们的义气相挺：“特别感激佢哋，一开始都未知有冇呢个Show嘅时候，已经二话不说话会撑我，所以佢哋嚟做我嘉宾我更加觉得——每一个嘉宾出场嘅位我一定要畀佢哋系最令人印象深刻！我唔可以叫佢哋嚟唱首歌，就等我去换衫、咁就畀佢走！我一定要畀个最大嘅舞台佢哋！”问到会否还有未公开的神秘嘉宾，Kenny说：“应该就未必会有，公司写定晒佢哋（落海报）我谂系惊有卖飞嘅压力。”

关智斌又坦承自己今早亦有亲身加入抢飞的行列：“因为公司突然琴晚同我哋讲话冇内部认购，但我啲朋友已经落咗三百几张飞，我都唔知点算，唯有叫同事今朝十点自己都一齐禁飞，但我自己都禁唔到……一阵要返公司了解下究竟咩一回事。”当记者笑问那三百张门票怎么办的时候，Kenny说：“我而家好明白啲人去买容祖儿演唱会飞、陈奕迅演唱会飞，见到绝望座位表嘅感觉！我同公司讲十张八张都要俾我，如果唔系同唔到爸爸妈妈交待。”

关智斌在电影《任性的你》中饰演乐队主唱Ronny，是为男主角，问到饰演歌手是否自己的长项，Kenny回应道：“唱歌还好，但对于弹结他我真系唔擅长，好彩准备嘅时间系相对充足。”Kenny提到在电影中组成了任性乐团，并已经在积极夹Band的过程中，说到会否在演唱会中有结他演出，他顿了一下说：“未必喇，希望我哋任性乐团跑巡回演出嘅时候，我就同白只、颜卓灵放多啲摇滚元素落去！”