【多图】邵珮诗骚水着网友“求正面”　应要求后有人竟“错重点”

前港姐冠军邵珮诗（Veronica）日前到海滩享受阳光，更在网上贴出一张水着照，不过大部份网友睇完都觉得未够喉，全因为相中的邵珮诗仅骚出美背：“求正面”、“正面Please”、“不如转过身畀大家睇下”。

而邵珮诗亦听到一众网友的声音，所以今日（13/8）都非常识做，贴出比坚尼正面相，更写道：“If only we were less emotional, & more mindful of our actions as a global human race.（作为全球人类一员，要是我们可以少一些冲动，多一点关注自己行动的话）”有意思的句子只是锦上添花，而大部份的网友都是将注意力放在她的Fit爆身材上，不少人忍不住大赞她“女神”、“性感”，更有人指她的“肚腩仔”恰到好处：“揽都舒服好多”，而邵珮诗亦都好大方回应“踩”她有小肚肚的言论：“everyone’s got to eat ya know（每个人都要食嘢嘅）”，非常搞笑。

邵珮诗接受《香港01》访问时便笑指自己并非有求必应：“如果真系就一早Post咗出嚟啦，我都系隔咗几日先Post第二张。”谈到今次大派福利，她便指自己身份有变，所以都想贴多啲感觉自然的靓相：“而家做咗瑜伽老师，想影啲自然嘅Shot，其实我个重点系放喺我哋要感觉自在放松同埋个Caption度，希望可以畀多啲正能量大家，即系即使个世界系咁，忠于自己就系最重要嘅事。（有网友话你有肚腩仔！）其实个唔系个个靓仔都有六嚿腹肌，亦唔系个个女仔身形都系一样或者完美，要记住每个人都系独特，唔使对自己咁大压力！”

点击下图观看邵珮诗泳衣照正面相及其他Instagram靓相：