【港姐2019】佳丽古佩玲远征日本成箱Mask旁身：每晚都敷！

麦明诗与冯盈盈及一众《2019香港小姐竞选》候选佳丽，今日（2/8）一同现身将军澳出席记者会。期间，麦明诗即场大赞3号候选佳丽古佩玲（Kelly）表现够淡定兼唱歌好听，男司仪陆浩明打蛇随棍上要求Kelly即时清唱，Kelly便唱出悦耳歌声唱出Beyond首本名曲“喜欢你”，令全场拍掌欢呼。

Kelly表示：“其实听到麦明诗赞我，𠮶一刻真系好惊讶又好开心，而头先主持要我唱嘅时候都有啲紧张，点解会出呢首歌，系因为我细个嘅时候好钟意听，而呢首歌当刻又可以表达到我当时嘅感受，咁所以拣咗呢首歌唱。”问早前去日本拍摄辛唔辛苦？Kelly答谓：“都有少少唔够瞓，都会喺车上争取时间休息，加上太阳劲晒，每次外出拍摄，都一定搽防晒乳液，搽晒全身，为咗今次旅程，带咗成箱Mask去，每晚我都会敷，因为自己啲皮肤比较干。”