【理想国】ERROR首任活动司仪惊讲错嘢　肥仔︰从未试过咁“硬”

ERROR四子今日（28日）出席ViuTV剧集《理想国》举行记者会，四子更是处男下海首次担任司仪，坦言有些紧张，身为队长的肥仔（梁业）说︰“我呢个僵硬值嘅度数系去到有史以嚟最高，我从来都未试过咁硬直。”成员阿Dee（何启华）就直言有时都接不住嘉宾的说话，因为场地的关系，声音较“散”和有回音，听不清他们的答话。193（郭嘉骏）就好谦虚，100分满分，只给自己50分合格，自言正正常常。

首次做商场活动司仪，193就指自己不担心会接不到嘉宾的说话：“因为其实我都癫癫哋，我接咩大家都觉得make sense。”那有没有感到压力的地方呢？肥仔说︰“对住吴绮莉小姐，前辈级嘅，如果我哋对住佢，我会好惊‘死喇，我会唔会讲错嘢’。”保锜（吴保锜）就表示认同：“我觉得系惊讲错嘢所以就‘三思而后行’。”阿Dee续说︰“因为平时ERROR行出嚟做开‘主’啊嘛，咁MC就要系‘客’㗎啦嘛，所以要揾位畀啲‘主’嘅走出嚟，咁变相我哋就唔系好习惯呢种模式，所以有少少错乱。”