【理想国】杨淇与陈炳铨“拍拖”　难忘最尾一场闹交戏：喊足成晚

将于8月5日首播的ViuTV全新剧集《理想国》，是ViuTV首部1小时剧集，包含了13个关于未来的故事，《理想国》将透过不同单元的故事带领观众探讨人性与科技之间的关系。

杨淇今天（28/7）剧集的记者会，这次是她自港视《导火新闻线》、网剧《阳关道》后再拍连续剧，杨淇指自己会在剧中其中一个单元“千针百孔”担正，她指剧情时间设定在未来世界，她会饰演一位女性杂志资深编辑，因父母婚姻失败收场而婚前恐惧，在婚前压力底下，变得行事鲁莽任性，但同时又因为已达中女之岁不愿赌上一切冒险重来。

“剧入面就讲我都30几岁，同Danny（陈炳铨）拍咗拖好耐，咁就准备结婚，但期间同佢产生咗一啲磨擦，咁当时有一种药物叫‘失忆针’，咁就喺呢段时间，有朋友就送咗呢啲针畀我，话（男女朋友争吵）好少事，就唔好太介怀，所以我选择打失忆针以顺利完婚，抽走啲唔开心嘅回忆加以删除。但系原来过度使用失忆针系有副作用，如果3日用多过3次，一啲之前失去咗嘅记忆残影就会重新出现，我就系因为咁而发现自己未婚夫可能出轨，之后就出现一个好大反差嘅转变。”

拍剧前有围读　最后一场闹交戏喊足一晚

杨淇形容今次拍摄过程“好好玩”，“Danny系一个好理性嘅对手！”她又指ViuTV安排得好好，让演员有一日时间作剧本围读和对戏，最难忘是最尾一场闹交戏。“事前导演将份剧本交畀我哋两个去改咗第一Round，佢话我都未必估得中你哋两个去讲乜嘢，不如你哋试下执咗先，咁最后导演都系执咗个佢认为佢想要嘅版本，咁去到拍之前一日先收到个剧本，咁都几刺激。故事系全间屋发生，喺厨房、厅、房，导演好想一Take过，但灯光、机器𠮶啲布置配合唔到，所以最后都要分三个大Shot，拍咗一个通宵，喊足全晩，𠮶晚情绪都好激动。”