【元朗游行】黎燕珊关注事态发展：好担心年青人安全！
撰文： 吴子生
出版：更新：
黎燕珊今日（27/7）以嘉宾身份在中环出席投资讲座活动，访问时珊姐表示自己累积超过20年投资经验：“近来我会买定啲英镑，因为囝囝要去英国读书用，必须做定储备，如果Keep现金个价值只会愈来愈少，都会投资喺股票市场上面，但唔会心口有个‘勇’字，因为曾经试过投资失利，损失超过20多万，真系一个好大嘅教训，当时几晚都训唔着，之后学识投资一啲低风险又稳固嘅投资产品。”
早前元朗西铁站发生暴力事件，无辜乘客被一批白衣人手持木棍等武器追打，酿成多人严重受伤，震惊全港。当晚珊姐透过直播了解事件，非常痛心，“好似‘厮杀列车’一样，但点都好希望大家都唔好影响到别人嘅生活，希望大家可以用和平理性去表达自己嘅诉求。（今日会有人自发到元朗表达诉求，担唔担心佢哋嘅安全？）我真系好担心年青人嘅安全，万事都要冷静啲，至于自己都会同屋企人都尽量唔出街，始终留喺屋企最安全，都吩咐家中工人姐姐买定多啲食粮做定储备。”