张致恒旧爱庄端儿还原April“被偷走那5年”真相　剧情原来更曲折

张致恒（Steven）昨日（25/7）在IG宣布与粉丝未婚妻雯雯的婚讯以及升呢做老豆后，接二连三被爆出Steven一脚踏几船！继Steven正印女友梁皓恩（April）在其Post留言自揭二人原来未分手兼追债后，又引出“小四”Moon留言指仲有小五、小六。而邵子风亦在凌晨两点踢爆April很可能是以小三身份介入Steven与庄端儿的恋情，令整件事比不少电视剧更加狗血！

对于邵子风在facebook开post清算Steven与庄端儿和April的三角关系，怀疑April“贼喊捉贼”！身为当事人庄端儿就率先发声称：“ 谢谢你，邵子风。如果是事实的话，老实答：我好难受！那时候还有台妹！令我颇困扰。”她更称当时像世界末日一样，更一度想自己死在手术床上。

点撃下图重温事件经过！(简易版)

庄端儿接受《香港01》访问时就承认对前男友Steven的所作所为表示意外：“如果系真，都好难受。（你当时完全唔知情？）唔知，净系知台妹！（当时真系想寻死？）而家谂返起都觉得自己好傻，但唔系净系感情，系好多事夹埋一齐，好似人生变咗世界末日咁。（有咩想同April讲？佢好似谂唔开……）唔止April，我都想同所有谂过自杀嘅人讲，死之前谂吓爱你嘅屋企人，因为我有养猫，𠮶阵谂如果死咗佢哋点算。（会唔会好后悔同过佢一齐？）冇得后悔，𠮶阵2013年尾同佢一齐到2016年分手，实有开心同唔开心，如果唔系唔会一齐咗咁多年。”

点撃下图睇更多！

当问到会否收回自己对Steven的祝福时，庄端儿就笑言：“冇得收返，呢个祝福就当希望佢收心养性，呢一课都令我成长咗好多。（会唔会对Steven好失望？）我同佢冇联络好耐，都冇晒感觉。”翻查资料，其实当年Steven就曾被踢爆背住庄端儿与台湾圈外富贵女子Doris密会，偷食断正而成为二人分手的主因。