关心妍开巡唱带埋阿女　重提“攞错奖”事件自嘲：成日发梦

今年重投歌手身份的关心妍Jade，周六（13日）举行入行18年首次“时刻触动巡回演唱会”首站-广州。

入行18年，Jade有不少经典惨情歌，《负担不起》、《你有心》、《我太强》、《仍想念你》、《放生》、《仍然》和《终点》等都深受乐迷欢迎，全晚彷如带大家返到从前卡拉OK盛世的时代，每一part都是大合唱。

每次到内地工作，Jade都被歌迷问她什么时候开骚？这次终于能够兑现承诺，开骚不久，Jade已被台下热情的歌迷感动到喊，Jade说︰“内地的巡回真系等咗好耐，一直都等一个啱嘅时机，好多歌迷十几年都未见过面，今次第一次见，仲见埋我个囡囡。”演唱会最后一part是送给女儿，平时晚上九点便瞓觉的心心，第一次见到妈咪在台上表演，全程high爆拍手又跳舞，跟Jade穿上陈华国度身订制的亲子晚装，更成为歌迷的集邮目标。

Jade女儿心心下星期便三岁生日，Jade叫歌迷齐齐唱生日歌，点知大会秘密安排生日蛋糕，贺埋本月尾生日的Jade，一向懵下懵下的Jade，当然又反应唔切，大叫惊喜。唱到《庞贝·21世纪》，Jade重提当年“攞错奖”事件，她说：“好多人都唔认识呢一面嘅我，好大意、成日发梦，呢首系我08年一个金曲奖，对我意义好大，除咗搞笑之外，咁rock嘅歌亦系另一面嘅我。”