“小昭”许雅婷改签内地公司　揾人仔不忘香港：欢迎揾我拍港剧

凭《倚天屠龙记》而获封“最索小昭”嘅许雅婷(Kubby)，日前喺IG宣布离开合作6年嘅“GME 环球狂热”，而同样都系GME旗下嘅邓月平（Larine），亦宣布将不再与公司合作。
 

据知许雅婷已跟旗下拥有宇宙少女、乐华七子、韩庚等人嘅乐华娱乐签约，并已落实将以女一身份参演古装网剧《凤归四时歌》以及一部时装剧，睇嚟完全唔愁无嘢捞，Kabby透过经理人表示:“接下来将会影视同时发展，但不会放弃香港的市场和粉丝，毕竟她是香港人，所以绝对欢迎找她拍港剧，当然也要看看对方有没有兴趣跟我合作。”不过问到与GME合作多年最大的得著是什么时，佢就话“不方便回答”。

而同样系离开GME嘅邓月平，原来将与庄瑞儿成为同门，不过佢就话自己签嘅系公司仔：“之后都会以拍电影为主，因为适合自己啲，唱歌就唔会掂住。”邓月平表示与旧公司合作愉快，过去亦曾在电影《小男人周记3之吾家有喜》担任女主角，而作品亦取得好成绩。今次之所以转会，纯粹系想转换新环境。