【十二传说】刘佩玥首次著中式裙褂遭人厌弃：大家见到我话好猛
撰文： 赖家杰
出版：更新：
刘佩玥（Moon）今天（14日）穿著中式新娘装扮出席TVB电视剧《十二传说》宣传。她今天的装扮也是配合剧中演出其中一个单元，《新娘潭》的鬼新娘，Moon说：“其实一个正常女仔著裙褂系一件喜庆事，但我唔知点解大家今日见到我话好猛。不过我哋剧集就快播出，所以就配合返主题。”
剧集内容是围绕鬼怪故事，Moon在拍摄期间直言不害怕鬼怪：“其实我由细到大都唔惊黑，又唔惊鬼。我份人比较大胆，就算感觉到，都冇乜感觉，因为我觉得我又冇做错事，唔需要惊。有时候出Trip去旅行，本身我自己一间房，但之后会有两三个女仔嚟我间房话同我一齐瞓，可能觉得我太大胆同埋个样太英气。”
《十二传说》紧接《白色强人》播出，《白色强人》收视反应很好，承接《白色强人》之后相信《十二传说》的演员压力也不少。Moon表示没有太大压力：“其实收视呢啲唔关我事，我已经做咗演员本份，做多少少宣传，又同大家讲下有几好睇，其他事交返畀观众，同埋两套剧题材唔同冇得比较。”