【开心速递】Venus复活回归 邝洁楹预告组新CP：希望大家记得我
《爱·回家之开心速递》在不断有新角色加入之余，亦有不少角色消失，其中一个在网上拥有高人气的角色，Bonnie（林凯恩饰）的好朋友Venus（邝洁楹饰）自上年11月播出第475集后，就“被消失”了，让不少网民都大叹不舍。不过，邝洁楹（Judy）今日在IG上表示，她又再回归《开心速递》大家庭了，说：“好一段时间无做爱回家之开心速递，还是很有爱。”
Venus消失100多集再回归 邝洁楹：希望大家仲记得我
邝洁楹（Judy）接受《香港01》访问时说：“其实我自己都唔记得几耐啦，净系知自己有一段好长嘅时间。系直到最近拍返《开心速递》，𠮶个P.A.都系上年𠮶个。咁我就见到原来对上一次佢畀（拍摄）通告，已经系10月尾嘅事。我仲记得𠮶一集系讲紧‘道德训练营’。我而家系拍紧第600几集，即系Venus原来系有成100几集冇出现过，嚟紧会交代返点解Venus消失咗，希望大家仲记得我。”
预告Venus会有感情线 CP对象要保持神秘
她也透露，Venus将于第648集开始出现：“我收到剧本嘅时候都好兴奋同埋好紧张，一嚟对白都几多，可以讲嘅，就系有感情线埋伏，同埋都剧情都几意想不到。紧张呢，系因为我已经好耐冇拍过剧，上年主要系做综艺节目。综艺节目虽然有少少话剧元素，但系做综艺都会夸张少少，始终同拍剧都有啲唔同，所以返去拍剧都会有啲压力。”会与谁组成新CP？她表示要保持神秘：“迟啲出街你就知，拍挡话要等观众估下。”
邝洁楹挨坏身子派散水汤讲拜拜 年半冇放过假：我啲经期乱晒！
签约成“亲生女”Venus即复活：会有多啲工作安排
为何会突然回归《爱·回家之开心速递》呢？虽然她没有解释，但就好可能是她与无线正式签了经理人艺员合约（即行内俗称的“亲生仔女”合约）有关。她说：“而家合约就系属于TVB经理人合约，之前喺娱乐台毕业，其实都谂住再揾多啲新尝试。拍剧系其中之一，我知道公司嚟紧都会喺剧集方面有多啲安排，呢个就要保持秘密先。不过综艺方面我都唔会放弃，因为我都好钟意𠮶面，例如《学是学非》就好胆咁实验，《3日2夜》就可以去旅行去玩，吃喝玩乐我又钟意，所以两边嘅工作我都会Keep住做。”
1.55米身高会否成为拍剧阻碍？她笑说：“都无得惊嘅，系事实黎㗎嘛，系蚀底啲嘅讲真。不过我同公司反映呢个问题嘅时候，佢哋仲安慰返我话：‘可以企箱拍，影唔到㗎！’所以，咁样就会令我更加想喺演戏方面做好啲，等大家唔好睇留意我高度，同埋一开始边会有机会比我拍住王浩信㖞呢个级数同身高嘅演员㖞，我有排都未去到佢既Level，所以唔惊啦。”