“龚水CP”戏假情真?　吕慧仪带张景淳返香闰食宵夜

喺《爱‧回家之开心速递》嘅熊若水（吕慧仪）同龚烨（张景淳），由斗气冤家变成深受欢迎嘅“龚水”CP，唔少观众都希望“龚水”可以快啲拉埋天窗。日前有报道指36岁嘅吕慧仪同38岁嘅张景淳一齐喺数码港戏院睇戏，完场后，张景淳开住吕慧仪嘅座驾，兜匀大半个港岛想揾地方食宵夜，但都系“食白果”，最后去到旺角，张景淳买鱼蛋、烧卖期间，吕慧仪全程喺车内等待，甚有默契。之后，二人一同返回吕慧仪位于黄金海岸嘅香闺，报道更指，记者在寓所外守候3小时，也未见张景淳离开。

吕慧仪今年3月宣布与黄文廸离婚后，身为拍档兼好友嘅张景淳除加以安慰外，又开po爆傅嘉莉博见报，man爆行为即获网友赞赏。而当时曾有传张景淳对吕慧仪呵护备至，甚至不时出现喺吕慧仪娘家屯门市中心，为嘅就系陪女方散心。对于深夜密会一事，吕慧仪就表示净系会同4岁儿子“蟹籽”拍拖，至于张景淳就未有任何回应 ，虽然两位当时人对恋情未有任何表态，但网友就已纷纷送上祝福，并希望有情人终成眷属。