《包青天》7月底首播　文雪儿等到颈都长：拍咗三套TVB剧都未出街

文雪儿、李璨琛及周汉宁今日（7日）为港台电视剧集《星星的孩子》进行录影，在剧中饰演自闭青年伟仔（周汉宁饰）母亲的文雪儿坦言，今次刻意寒背演出，因为作为母亲，要照顾自闭症儿子相当吃力：“佢哋除咗精神上，佢哋嘅体力都好攰，自闭儿童愈来愈大嘅时候都会有重量，你要捉或者扶住佢哋，身为一个母亲都会不断用好多力。所以我自己演绎呢个角色嘅时候，我都营造一个比较攰嘅感觉出嚟。”

大赞新人周汉宁用心演绎

对于剧中饰演其儿子的新晋演员周汉宁，她大赞对方充满热诚：“我同佢（周汉宁）未拍之前去咗特殊学校观摩，我睇到佢好留心，亦好认真，佢好想喺一个学员身上学到一个点，然后再演绎出嚟，我觉得佢呢样嘢系好成功，真系做到𠮶样嘢。”

【星星的孩子】《教束》“庄子”拍港台新剧演自闭青年　周汉宁：发脾气最难演！

TVB剧集《包青天再起风云》将于7月底首播，雪儿姐在其中一个单元“天火焚城”里饰演何远东的疯癫母亲，她笑言终于看见这套早就完成拍摄的作品出街，相当高兴：“其实我喺TVB拍咗三套剧（《黄金有罪》、《解决师》和《包青天再起风云》）但都未出过街，所以我好期待佢可以快啲出街！”

演《包》时刚复出未惯剧集新拍法　雪儿姐：真系会甩甩哋！

她坦言拍摄《包》剧时，正值自己刚复出拍剧初期，与40年前刚入行时相比，拍剧时的镜头运用分别很大，令她一度不适应：“以前我哋三机拍摄，导演喺Panel度揿，做一次就搞掂，但系依家好多时候都系一机或者两机，可能要影咗个全镜（Master）之后，然后再影你，再影番我，重复咁拍晒几个镜头做几次。好多时演译完我就会揼咗，再隔一阵叫我再拍多次，我真系会有机会甩甩哋，哈哈！”