【白色强人】李佳芯亲爆护肤三大秘诀　每日半杯黑咖啡都有效

无论是在《白色强人》中的程洛雯又或是节目《懿想得到》中出镜的李佳芯（Ali），都被不少网民大赞皮肤嫩滑兼白里透红。现年36岁的她一向对护肤都甚有心得，工作拍剧挨夜之余，亦能保持靓样示人，尤其是在高清电视下更能看出她的肤质。她被赞有仙气、皮肤好，其实已经不是最近的事。今日（6日）她出席商场活动时，就大方分享了她的个人护肤之道。原来想保持好嫩白好肌肤，其实好简单。

李佳芯保持BB肌靠三招：抗痘、清洁、保湿

她说：“贵精不贵多，要用一啲最适合自己嘅护肤品。我平时开剧好容易生粒粒，可能情绪，同埋冇得瞓，所以我会喺抗痘方面著手、仲有清洁，保湿都好紧要。真系冇办法，平时个厂又开大冷气，有时出痘痘，都可能同皮肤缺水有关，所以呢三样嘢都要做齐，其余额外嘅保养我都会有。”挨夜又怎么办？“挨夜真系冇办法，就系因为工作时间太长，所以喺其他时间，你都要最简单。”

皮肤要靓　李佳芯：咩都要简单

何谓“最简单”呢？她解释说：“包括食嘢，所以嘢都系食最清淡、最简单。因为拍剧角色已经要好大情绪起伏，所以镜头背后就要尽量令自己（轻松啲），唔好谂咁多嘢，简单啲，直接啲。等情绪要有适当位（抒发），唔好压抑。（工作后要放松？）都唔系返工，其实呢个系我一生人嘅修练。（饮食方面要如何清淡？）工作其实冇得避免出去食嘢，但系我钟意食蛋通（鸡蛋通粉），最基本最简单，或者饮咖啡，我开始饮黑咖啡但系唔会饮多，每日都饮半杯，再饮返大量嘅水去中和。因为落奶，有咗个化学作用就复杂咗啦。尽量食啲最天然嘅，同埋食多啲生果，还原基本步系最紧要嘅。”她又透露，自己回到家中一定会第一时间卸妆。

有网民说过，她上镜比起其他艺人，皮肤特别好。她解释说：“有人话过我系天生反光板，可能因为我块脸系比较‘令’。”问到化妆品的选择，她回答说：“我钟意偏薄同透嘅化妆品。不过，我觉得𠮶种冇压力同自在，系会令人睇落去唔同，所以我会尽量令自己唔好咁多负面嘢喺个身度。”