马国明终承认与黄心颖已分手　多次强调现时关系：我哋仲系朋友

黄心颖与许志安于今年4月爆出“安心偷食”之后，两人形象即时插水需全面停工，备受千夫所指的心颖避走美国，许志安则召开记者会认错。而心颖的男朋友马国明就忍痛继续开工拍剧，寄情工作。当时他被问及安心事件，仍处处维护心颖，甚至叫大家给心颖一次机会，但就一直避谈两人是否分手。至于安仔老婆郑秀文就选择原谅老公，不离不弃。由于事发后马国明已没有再戴上他与心颖的情侣戒指，外界都好好奇到底他和心颖现时的关系。

日前马国明接受《香港01》访问时，再次谈及他的感情现况，并以朋友来形容他与心颖的关系，即间接承认两人经已分手。他透露现时的感情状况ok几好，问到他可有联络心颖时，他就以朋友来称呼对方：“我只可以话我哋仲系朋友嚟嘅，我哋点都系朋友，总之唔系仇人，亦都唔介意日后一齐合作。感情事其实系几个人嘅事，我觉得感情事真系好难分对与错，大家无需咁大反应啦。”他直言事件已过去，大家亦不要再指责心颖了。

他说：“过咗去啦件事，我成日都觉得大家闹得激烈得滞，大家唔驶闹得咁劲。我当时都讲咗，佢都知错啦，佢真系知错喇，佢好后悔，咁仲闹咩呢？闹咗就得啦，仲要一路闹落去咩？无意思㖞。好坦白讲，每个人都会做错嘢嘅，唔系一定要啄住人哋错嘅事，一路闹闹，闹落去冇意思。我希望大家俾个机会佢。”可见他依然维护住旧爱。

至于安心事件对他有甚么冲击，马国明表示：“我又冇㖞，我又冇咩特别改变，真系冇。其实可能系观众觉得好大冲击，如果你问我，又真系唔系好大冲击，可能我由细到大都好钟意踢波，或者形成我唔系钟意将自己摆先，系大家觉得好大冲击啫？”他坦言有为事件感到生气，但已转化为担心：“我回应都好清楚，我当然系有嬲嘅，但真系一段好短嘅时间，我之后系担心多过嬲，依家都系。依家我系完全冇嬲添呀，我唯有同啲网民讲嘅系大家唔驶咁嬲嘅，大家唔驶过度嬲咗，我觉得大家有啲敏感得滞。其实唔系好大件事，感情嘅嘢嚟咋痳，大家唔驶咁大反应。我反而系担心，因为依家都见仲有人闹紧，其实大家都唔需要闹，闹乜鬼呢？”

点击下图逐格睇马国明同黄心颖曾经几咁sweet，以及与事件相关嘅相：