【降魔的2】胡鸿钧准备好复工 休息时最爱打牌：睇下会唔会迟钝咗

胡鸿钧（Hubert）周五（5日）出席商场展览，这是他在拍摄《降魔的2》受伤后第一次出席公开活动，Hubert就说他的健康状况良好，让大家不用担心：“而家身体状况已经好返好多喇，多谢大家关心。我感觉到自己嘅康复进度良好，起码头晕、唔舒服嘅情况已经愈来愈少，然后前几日都照多次磁力共振，虽然未有结果，但我有信心个结果会系好嘅；如果个结果系完全康复就可以全面复工。”

Hubert又说到太多时间在家休息，反而觉得有点闷：“基本上呢段时间我都系个懒人，去到后来真系觉得好闷，好彩啲朋友会揾我食饭、打牌、陪下我，我又有煲剧、写下歌，好似不知不觉就过咗两个月，都Ready可以做返嘢。”当记者问到打麻将是否为了多活动大脑，Hubert就笑说：“我同朋友其中一个经常做嘅消遣就系打牌，第二我都想睇下自己打牌嘅时候会唔会迟钝咗，好彩系一切正常，所以想打牌嘅朋友可以继续约我。”

说到电视剧《降魔的2》的拍摄进度，Hubert说：“其实基本上都拍晒喇，净返我仲有几场戏份未拍，都要同剧组讲声唔好意思，令到佢哋冇得完成，都要多谢监制同我讲完全好返晒先复工，唔好急。”至于会不会对威也产生恐惧，Hubert就回应道：“坦白讲真系冇乜点惊，因为我真系唔记得晒发生意外嘅过程，我之后问返意外发生过程都好似听故仔咁。”但剧组亦特别照顾Hubert，不希望他再做危险动作，之后拍摄的都是文戏。

之前有传闻说Hubert与星梦的合约快要完结，Hubert就对此作出澄清：“同公司嘅合约都仲有一段时间。”Hubert又希望接下来的工作能在唱歌和拍戏之间取得平衡：“我觉得自己非常之好彩，入行到而家一直有唔同机会、尝试唔同工作，而我个人本身都好贪玩、又钟意新鲜感。虽然咁样好似贪心啲、辛苦啲，但我觉得值得。”