叶璇与男友感情稳定唔恨结婚生B　“唔使结婚先可以有小朋友”

撰文： 吴子生
出版：更新：

叶璇昨晚（28/6）出席在海洋公园举行的“微笑擂台”慈善晚宴。叶璇表示自己经常出席慈善活动，但今次较为特别：“因为赵太（赵曾学韫教授）系我当年选华裔小姐时嘅评委，𠮶阵时唔认识佢，有次喺机场相遇而认识，佢可以话系我嘅恩人，投咗我一票，就系咁加入咗娱乐圈，知道佢做好多慈善活动，所以我都要好好跟佢学习啦。”

叶璇今晚出席“微笑擂台”慈善晚宴。（陈顺祯　摄）

早前有传叶璇与拍拖4年男友小默分手，叶璇对此笑言两人感情稳定：“其实做咗呢行咁多年，你会发觉只要你未拍拖，就话你哋两个一定拍梗拖，拍咗就话你分咗手，结咗婚就话你离婚喇，离咗婚又话你哋复合，所以呢啲传闻总会有，我已经好习惯。我哋都系好好地过自己嘅日子啰，至于会唔会闪婚，我谂唔会，因为我唔系个啲咁恨结婚嘅人，对我嚟讲两个人真心一齐，有冇婚纸冇乜分别。”（钟唔钟意小朋友？）叶璇直言：“好钟意小朋友，但唔使结婚先可以有小朋友㗎，哈哈！”

叶璇表示都好挂住香港观众，如果有机会都好想返港拍剧，（陈顺祯　摄）
叶璇和小默男友感情稳定，但未有计划结婚。（陈顺祯　摄）
叶璇原来好钟意小朋友，认为不一定要结婚先可以生小朋友。（陈顺祯　摄）
叶璇自爆遭富商强逼饮酒兼被闹：宁可失业也不能失节叶璇拖足半年终向男友旧爱道歉　网民爆书信涉抄袭张艺兴粉丝叶璇“侵害名誉”拖赔偿半年沦老赖　向男友旧爱道歉：我特别后悔叶璇为旧爱被法院列为“失信人”　将受限制连飞机都唔可以搭叶璇自爆新男友是清华高材生　“有说不完的共同话题”叶璇为男友告前女友造谣败诉　判决书揭自己都做埋前度？