【早霸王】小仪友人遇主动女　首见面即进击：成件事好有幻想空间

每逄星期五先会喺《早霸王》出现嘅“  你知道唔知道有人挂住你 ”，不时都会有听众分享自己嘅网上情缘，而每次听到有网恋时，森美都十分好奇到底点先可以发生到。而喺日前一集《早霸王》，小仪就分享咗佢男性友人嘅网上交友经过……过程十分爆笑。

小仪表示男性朋友喺网上识咗一位女仕，经过多次倾谈之后，发现大家都算投契，于是就相约见面。“食饭期间个女人都有意无意flirt我朋友，食食下，朋友见佢个嘴沾到酱汁，于是就好gentleman咁伸手帮佢抹……”一听到伸手，森美同Marco都好大反应，直指小仪嘅男性友人做多咗。之不过，原来好戏在后头，因为当呢位男士嘅手碰到女士嘅嘴角时，“个女仔突然擘大口含佢手指，之后仲啜咗几下！”第一次见面就进击到含手指，成件事真系好幻想空间！之不过，小仪就话佢朋友经此一含后，唔敢再揾呢位女士。而对于网恋存有好多幻想嘅森美，就直指小仪朋友唔道德，仲话：“伸手摆明就系主动，人哋配合你，你朋友仲转头去唱人哋。”又笑问其实系未个男仔只手指都有酱汁，所以女士先会出口相助，最后仲大赞呢位女士：“热情如火， 世间难求”似乎森美都好想试一试㖞。