【单车游学团】麦明诗炒车出事　公路上翻车受惊爆喊

撰文： 邝钰莹
出版：更新：
踩单车头几日，麦明诗仲识同队友讲笑兼不时派福利。（影片截图）

到底点可以喺28日内，以踏单车形式，由香港出发，途经中内地、越南、老挝、泰国，最后去到柬埔寨呢？麦明诗为筹款起学校而展开嘅《单车游学团》真系有血有泪。

去到第五日，体力严重下降，一到休息位，麦明诗已经唔理形象随地坐。（影片截图）

周日（16日）播出一集，主要系讲述麦明诗联同队友潘梓锋、王德志以及龚朗贤喺内地遇上嘅种种，由爆軚、温差、公路上嘅货车所排出嘅废气……4位主持都好快可以克服，甚至喺第二日，因为上午已轻松完成62公里嘅路程，于是突然“加料”，直接跳过停留阳西，由恩平踩到茂名，全程140公里！虽然头几日嘅路程都尚算顺利，但去到第8日，当一行人踩入广西时，由于路面崎岖不平，再加上有不少斜坡，喺体力严重下降嘅情况下，麦明诗已频频大叫：“救命”、“好难踩”。

。（影片截图） 因为怕自己体力不足而影响行程，所以喊咗。（影片截图）

为咗“唔想要人迁就”，麦明诗出尽奶力都要完成每日约7个小时、140公里嘅路程。“一路要追住佢哋，觉得好无助，好攰但又好似遥遥无期，又未完成目标，呢个时候最容易迷茫，唔够动力。”有感自己拖慢行程嘅麦明诗，愈讲愈内疚，最终都忍唔住喊出嚟。而就系麦明诗讲完“有时都会谂炒咗车佢哋都会唔知”无几耐，意外就咁发生！眼见麦明诗炒车后，喺马路上痛到郁唔到，前后护架嘅工作人员同队友都十分紧张。虽然麦明诗口口声声话无事，但见佢喊唔停兼企唔稳就知并非无事啦，最终被强制送院检查，而结果系盆骨左侧和下背软组织受创，超惨！行程第9日就搞到咁，之后嘅日子点算！

为咗安全同拍摄，单车队前后都有工作人员嘅车跟实，之不过，麦明诗炒车一刻，就算跟实都无用啦，连人带车发生意外，就咁睇都觉得痛。（影片截图）
受惊过度嘅麦明诗系咁喊。（影片截图）

炒车连环睇

+13