森美开咪打气 称长途赛望港人放松点：唔好用晒啲energy
撰文： 邝钰莹
出版：更新：
立法会今日恢复二读辩论《逃犯条例》修订，不少热心巿民今日响应罢工罢巿罢课。森美于凌晨时分喺IG上贴出林忆莲主唱《愿》歌词，唔少网民都纷纷留言：“大家心照”，而喺今早嘅电台节目《早霸王》中，身为主持嘅森美用上半个多小时为香港人打气，期间他提到自己有留言昨晚(11日)的直播，并深感香港人将会面对一埸持久战。“我觉得最紧要系大家唔好用晒energy，大家都知道呢个系持久战，战字嘅意思系个赛事比较长，希望大家放松少少慢慢嚟。”
森美之后提到自己身边有不少打政府工的朋友，而部份更身任要职。“同佢哋倾开先发现原来佢哋都有出去（游行），问点解𠮶阵，佢咃嘅答案比我觉得，香港人呢段时间个心对将来无希望嘅感觉，佢哋全部都系有家室嘅人，其中一个话‘行埋今次可能无得再行啦’，呢个心态好似系香港人真系感到好绝望。”
森美表示自己对政治唔多认识，故以生活作为例子：“身边有啲朋友嘅老板好得意，佢哋好钟意用一啲借口去叫下属跟做一样嘢，而呢个借口点都唔会系favour，但因为佢有原因嘅关系你就要听。好多人都话离开香港，但我唔觉得离开系真正选择，因为我唔见得呢个世界，系有一个地方可以无任何问题发生、令人安居。我个人比较正面，即系如果可以修补就去补，就算你系植物人我都会同你讲……将来嘅日子仲有几多次要同……植物人倾偈呢？当植物人要决定时，议会入面又有几多代表到你嘅人呢？我哋而家可以做嘅嘢，系每一次投票选举时，投选代表到你嘅人入议会先系最紧要，我今日唔会弹性返工，我返工系因为我想讲我嘅说话，好过我喺屋企，香港人努力。”