《BB来了》续集有怪兽家长出现？　黎诺懿：将重任交畀李佳芯啦！

大台剧集《BB来了》去年播出时深受观众欢迎，亦令李佳芯初尝视后滋味。剧集难得叫好叫坐，有消息指大台将准备喺10月开拍续集，求证于主角黎诺懿时，佢就大方承认，并透露日内将会与剧集监制见面。“我收到嘅构思系原班人班拍，不过由于几只允猪都已经系Trouble Two（两岁反叛期），所以都要睇下到时边个会跟我咃多啲再决定。”李佳芯自去年接受子宫囊肿切除手术后，全面暂定拍剧，《BB来了》续集是否其“复出”之作，黎诺懿就好有信心咁话：“我话咗佢唔拍我唔拍，因为当初我哋好困难咁去完成呢件事，如果续集无咗呢个妈咪就已经唔系𠮶回事。”对于是否拍摄续集，李佳芯接受《香港01》访问时，就表示：“如果有需要当要会”。

题材方面，黎诺懿虽然唔多肯定，但他认为离不开小朋友教育。“因为监制嘅小朋友都就快读书，佢应该喺呢个题材上有好多发挥，加上小演员唔易揾，所以更加系会以小朋友为主，唔会有小三、外遇𠮶啲架啦。”去年剧集为李佳芯带来视后宝座，黎诺懿笑言可以将重任交予对方，并指自己只系“扶助”性质。“不过你问我会唔会想凭续集去攞奖，我可以话俾你知我几时都想，因为呢个系答谢台前幕后工作人员嘅机会，我真系无时无刻都想攞奖，亦希望今次可以成功。”

对于续集嘅题材－－教育。家有二岁小春鸡嘅黎诺懿透露自己都被呢个问题困扰。“自己都同个囝去咗6间幼稚园，完全唔明点解香港教育制度系咁失败，佢读PM班价钱真系贵得可怕，但唔读又　接唔到……听朋友讲幼稚园面试系要小朋友去装饰蛋糕，两岁人仔点会识？我个仔应该净系会食咗个蛋糕。”黎诺懿笑言并不担心囝囝无书读或者输蚀，因为自己本身都唔系读书叻。“男人最紧要有信心，见多啲世面。不过，我一定要佢学好英文同国语，其他可以唔理。”