【性敢中环】雨侨同jeana去夜场视察：见到啲男女激情亲热
撰文： 林通贤
出版：更新：
雨侨今晚现身中环出席网剧《性敢中环》首映礼。雨侨透露在剧中会有段网络情缘，但最终未能发展成为爱侣：“其实友情或爱情线，同我现实中好唔同，喺呢个年代发展得好急速，前排仲俾我啲姪女问我，我个年代嘅人点样去识人？但呢个角色偏偏就系咁旧年代啰，就系喺网上面识咗个男仔，不过剧情会喺最尾个几集就会知道呢个男仔身分，原来系我身边嘅人。”
雨侨指入行前都有夜蒲，但不过唔多：“之前有拍过夜蒲系列嘅电影，试过同Jeana（何珮瑜）真系去过兰桂坊啲夜场体验，去观察夜蒲嘅人动态，仲要系去过好几次，夜场真系令我都几眼界大开，试过见到啲男女好激情咁亲热，不过可能自己真系大咗，又结咗婚，更加唔会落夜场玩，最怕玩完之后把声沙哑影响唱歌。”