高海宁曾怕被误解决心封胸　30岁后释怀：欣然接受大家觉得我性感

于《婚姻合伙人》担正嘅高海宁（高Ling），入行至今，因其火辣身材而为佢带来不少掘金机会，早年拍节目《美女厨房》时，身穿背心的佢被大象抱起致双峰几乎破衣而出，至今依然系经典之一。不过，日前高Ling接受商台节目《1圈圈》访问时坦言曾十分抗拒“性感”一词。“因为我唔觉得自己性感，同埋性感好似令到大家太focus喺我身材，睇唔到我努力工作，所以当时好抗拒，有段时间我话要封胸，希望大家改变对我嘅睇法。”高Ling如此抗拒是因为她怕别人将性感与唔正经连在一起，虽然家人朋友甚至佢自己都深明自己是什么样的人，但为怕被误以为“唔系几好嘅女仔”，所以决定“封胸”

“直到29岁左右我开始反思，呢世人到底做咗乜，好似一直为人哋而活，因为介意人哋点睇，拣衫都要樽领，𠮶阵我想做返自己，想著我钟意著嘅衫、想为自己开心而去做返啲野，突然睇开咗。而家心态系好欣然接受大家觉得我性感，觉得性感系褒义词、系一种赞美，唔系个个女仔都可以被人赞性感。”高Ling指现时就算系著樽领衫都会被赞感，自己亦不再介怀别人的眼光。“我拥有爽朗嘅性格，同时又可以系优雅又有女人味嘅性感女人，我觉得好好。”对于近年由花瓶变为演技派，高Ling笑言:“会谂封胸𠮶段时间好似好无谓，但都系其中一个阶段。”好在高Ling谂通咗，唔系那来咁多福利图。