【白色强人】马国明称感情事随遇而安：揸车唔一定要有个人坐隔离

无线剧集《白色强人》于星期一（6月10日））就正式启播，今日（9日）包括郭晋安、马国明、李佳芯、冯盈盈、唐诗咏等主要演员就齐集参加宣传活动。马国明接受《香港01》访问时，就介绍剧中饰演的医生角色“唐明”：“佢系一个大男人，同时又好得意，唔贪钱、唔贪名嘅医生。”

“唐明”不贪名利，实在与马国明给人的印象有几分相似。不过他本人就不是十分同意：“我都想！但系就唔系嘅，我个人比较贪钱，名同权我就唔系好大欲望，但系喺香港要养家，冇办法，始终要市侩少少。我又冇戏入面唐明咁超然，阿妈买𩠌都要钱㗎嘛！”

奖项都不“贪”？他回答说：“我个人比较随遇而安，最紧要个过得开心。点为之开心呢？就系同啲朋友饮下嘢、倾下计、踢场波、游下车河，我系好钟意揸车嘅。我好享受一班朋友游下车河，跟住去食个下午茶。”不打算找个女伴一起游车河，或者早些成家立室？“呢啲嘢随遇而安啦。我都唔系㗎，一个人揸车都开心，唔一定要有个人坐隔篱，有阵时我都会车埋屋企人去食下饭，都系享受嚟嘅。”不知道车上副驾座的女主人何时才会出现呢？