【专访】周奕玮认做“日本通”有难度　奇怪问题乜都有：无能为力

“我又唔系高大靓仔，亦都唔系好有演戏细胞同主持细胞嘅人，都会谂如果我继续咁样做落去系咪真系得嘅呢？”
周奕玮（Jarvis）近年主持旅游节目《周游东京》、《周游东京2》和《周游关西》而人气急升，去年他更凭《周游东京》在《万千星辉颁奖典礼2018》中夺得“最佳非戏剧节目”，实力备受肯定！不过，入行初期的Jarvis曾因外表而缺乏信心，幸得无线电视助理总经理（非戏剧制作）余咏珊（Sandy）的鼓励，令他坚持至今，超过10年。

 “Sandy话：‘如果你高几吋就掂，但你都顺眼靓仔！’我初初入行都比较自卑，觉得唔够人高大威猛，但Sandy咁讲，我开始觉得做主持最紧要代表到大家，唔一定要高大有型，反而似路人咪更加代表到观众！”Jarvis这样自我安慰。事实证明，过去两辑《周游东京》，Jarvis以贴地方式主持，最后赢尽好评！

万千星辉夺奖有惊有喜　自知经验浅讲说话有主持腔

回想起上年获奖一刻，Jarvis指：“其实心态上有强心针咗，亦都有淆底咗！上年颁奖礼系节目攞奖，等于大家系认同咗我哋呢个team！至于惊嘅方面，其实我之前只系得两次机会做自己一个人主持嘅节目，觉得仲有好多地方都好幼嫩，好似表达技巧、讲嘢速度等等，因为我做惯娱乐新闻台主播，我知自己讲嘢好心急同总会有啲主持腔喺入面，所以都想系做旅游节目嘅时候搣甩多啲，所以我觉得自己仲有好多未满师嘅地方！”

做“日本通”遇骑呢问题：Send啲鱼竿型号问边度有得买

除了努力做好节目，“日本通”亦不易做，皆因Jarvis不时都会收到大批网友的私讯问问题，耐心十足的他亦会尽力去解答：“烦就唔烦嘅，不过有阵时都有啲唔好意思，因为FB同IG成日都收到好多Message，我尽量都想答到大家。但有阵时真系答唔到，每日都要做嘢啦，而且有啲问题系好难去解答嘅！例如有个朋友好钟意钓鱼会send啲鱼竿型号问我边度有得买，呢啲我真系唔知，因为我唔钓鱼，所以变咗我想答佢都无能为力！但问我节目上嘅嘢或者佢想知道更加多附近有啲咩，一啲我即时答到嘅嘢，我通常都会好快答。”

点撃下图回顾《周游关西》！

力求尽责　收到讯息好想尽快回答

Jarvis更称有第一次收到网友的求助：“当时我喺东京拍紧《周游东京2》，啱啱大阪就打风，机场又瘫痪。我𠮶时就收到个e-mail系真系有人喺𠮶边唔知点算，话大阪冇咗个机场，佢哋又赶返香港，问我会唔会有咩方法搭到新干线。虽然𠮶阵我拍紧嘢好攰，但收到e-mail都即系揾方法教佢哋，希望帮到手，但其实我都迟咗一日覆，但收到呢啲message都好想尽快答。但有时好虚无缥缈，例如话我嚟紧去边度边度，有冇啲咩推介就比较难答啲，因为我唔知佢有啲咩要求，我又好怕推荐完原来佢唔钟意食呢啲嘢。其实我都尽量抽时间答多啲，真系唔好意思呀大家！”如此贴地又亲民的主持，难怪Jarvis人气亦越来越高！

化妆﹕Yvonne.a
场地﹕favilla cafe