【如果这样生活】黎诺懿用港普访问法籍大厨　观众睇完好有亲切感

无线节目《如果这样生活》揾嚟袁文杰、李佳芯、张颕康、余德丞、朱千雪等人，分别去到日本、西藏、四川等不同地方作不一样的体会。节目首集，有黎诺懿带观众到云南大理归隐田园，曾自认普通话非常有限嘅佢，早已在IG贴文预告：“星期一和星期二，有我国语教父独门普通话，此节目含有大量港普，希望大家听得明，唔明唔紧要，当睇韩剧，有字幕的。”

由城市准备出发去到“蟠曲村”嘅黎诺懿，喺路边截车：“c知，你憧懂去蟠曲春吗？可以车我过去吗？”如此港式嘅普通话，听落好笑又有亲切感。黎诺懿去到蟠曲村探访一位宁愿放弃米芝莲厨师职位嘅隐居法籍大厨Gil，呢位人兄虽然系法国人，但普通话尚算流利。

二人去完街市买𩠌后，再落田揾食材，期间法籍大厨介绍黎诺懿食生蚕豆时，黎诺懿似乎有少少疑问：“ka以生痴da吗?”试食之后，黎诺懿就话：“狠艇，味道狠像Yu本狠龟DA摆的…哎Yumi(字幕:这个味道很像日本很贵的白色玉米）”，听到法籍大厨表示生蚕豆对男生好时，黎诺懿即时好开心咁话：“娜禾要载痴多衣den，因为禾尝追多衣个lur呀。(那我要再食多一点，因为我想追多一个女儿)”其实，喺整个对话之中，黎诺懿不时加入“㖞”、“呢”等港人独有嘅助语词，唔少网民睇完之后都笑指佢嘅港普更胜郑伊健，亦有网民指至少黎诺懿肯讲，咁就已经系成功咗一半，其实讲普通话歪歪哋，咁咪仲有亲切感！