【白色强人】一件T-Shirt背后隐藏动人故事　马国明：亲情系无价

轰动全港的“安心事件”发生至今已一个多月，马国明完成《降魔的2.0》拍摄后，要开始为下周一（10/6）首播的新剧《白色强人》宣传。前晚（3/6）他着靓靓现身于九龙湾国际展贸中心举行的剧集首映会。于新剧中再一次演医生，马国明坦言心情紧张：“之前《On Call 36小时》饰演神经外科医生，今次系心胸肺科医生，咁所以有好多嘢都要由头学过，而且我都好耐冇出剧，对上一年都系出过一部剧集《深宫计》，今年呢部都算系我出嘅第一部剧，其实我都拍咗好多嘅，不过公司摆咗喺度未播啫，睇下几时会播啦！”

马明透露手头上所有剧集都拍摄完毕，稍后便会北上登台出席商演活动，表示未有打算休息，希望可以趁机增加收入，帮补家计，为家人的将来生活可以得到保障，原来背后动力来自他与母亲的一段往事，谈起此事，马明两眼通红感触说：“好记得当时自己读紧书，我买咗一件价值过千蚊嘅T-shirt，有一日妈咪唔小心将我件衫染咗其他颜色，之后我发晒脾气好恶咁闹佢，有一个深刻嘅画面我仲好记得，又好深刻，就系见到我妈咪踎喺浴缸度用手帮我洗个件衫，个一刻个心好痛，自问点解要为咗件衫，发咁大脾气去闹佢呢？”

马明续说：“亲情系无价，件衫污染咗咪买过件啰，到人大咗更加会知冇嘢可以替代到妈咪屋企人，咁所以系要经历一啲嘢，你先会知道一啲嘢令自己成长，咁当你失去一啲嘢嘅时候，系会一定追唔返，咁所以我宜家会好珍惜同屋企人嘅关系，会去报答佢哋。”

虽然只是一件与妈妈的生活轶事，但对于马明有很深的感受，他亦曾经为这事向妈妈道歉：“我记得同妈咪道歉喺系屋企嘅，好似发生事之后，隔咗一日左右啦，我就鼓起勇气同佢讲对唔住，但详细唔记得喇，好似大家都有揽住，但冇乜点讲嘢，我谂一切尽在不言中，我道歉𠮶阵，我记得妈咪都冇嬲我，虽然系我唔啱，但我谂屋企人就系咁伟大，但𠮶个moment都几感动。”

点击睇马明有几悭家