【专访】高海宁曾因负面新闻而患抑郁：好彩一班师奶救咗我
高海宁2008年时候，做了人生最大的决定参选《香港小姐》，当年因性感身材受到大家关注，亦有不少负面新闻，令到她备受极大舆论压力，那时的高海宁只得21岁，不懂得面对压力，结果过选美后患上抑郁更肥了30磅。她说：“每日我都将自己困喺洗手间喊，我狂喊，喊哂所有唔好情绪出嚟，出到嚟对住屋企人又扮无事，但事实上真系好唔开心。”她不想告诉妈妈，因为妈妈鼓励她选美，她怕自己的情况令家人更担心。
高Ling接受《香港01》专访时候坦言原来不经不觉已入行11年，回想起最初在TVB工作时候受到大家关注原来对自己来说是一种压力：“初初入行时候其实好大压力，系好短时间好似畀好多人好多关注，亦有好多唔好嘅新闻，就算唔真实新闻都要屈到我系咁样，突然接收咗好多负能量，唔太识得去处理，心态畀人打沉咗。”
将抑郁收埋怕屋企人担心
未入行前高Ling一直以为自己内心是强大的那一批人，但事实是相反，压力更愈来愈大，她说：“当初会觉得点解全世界都唔钟意我呢？其实当时连自己抑郁都唔知道，𠮶个时候我宅咗喺屋企，我好惊屋企人唔开心，因为系我妈叫我选港姐，其实佢都承受好大压力，怕佢觉得推咗个女行一条唔应该行嘅路。所以每日我都将自己困喺洗手间喊，我狂喊，喊哂所有唔好情绪出嚟，出到嚟又扮冇事对住屋企人，但事实上真系好唔开心。”
【婚姻合伙人】高海宁永远只有性感？：唔可以怪大家咁谂
【婚姻合伙人】高海宁戏内爱收兵 戏外派好人卡：我从来冇收兵
将压力化为食量
除了在家中哭泣之外，高Ling在患有抑郁那段时间更暴肥30多磅，“我喺屋企我会煲饭然后将所有食剩嘅饭菜捞埋一齐，食哂成煲饭，好似将食野换做舒缓我嘅压力，所以我肥咗好多，我谂我选完港姐𠮶一个月我肥咗30磅都有，睇返啲相你会睇到我好圆。”
全靠一班师奶抑郁中拉返起身
在患上抑郁期间要踏出康复的路往往需要一个契机，至于属于高Ling的契机竟然是一群“师奶”，她说这个故事很有趣：“我首先要多谢呢一班师奶朋友，我𠮶个时候成日唔出街又肥咗好多，跟住我妈妈就同我讲去做运动，我就Join咗一个Fitness，我仲记得我去到又匿埋做运动，有一次去焗桑拿，师奶班朋友都系里面，佢哋认得我问系唔系高海宁，我话我唔系，因为我当时觉得全世界冇人钟意我，但反而同佢哋聊天过程当中先发觉原来唔系所有人都唔钟意我，佢哋仲讲话呢啲新闻睇完都唔记得啦，都唔会信啦。原来娱乐新闻都唔系我谂得咁严重，原来唔系真系冇人钟意我。之后我好倚赖佢哋，由唔想做GYM到日日都想去做，就系因为佢哋我再慢慢建立我自信去面对观众。”
十年有勇气面对负评
曾经因为负面新闻而匿埋厕所喊，但经历了十年的磨练，高海宁已不太受负面新闻及负评影响，更在连登开了帐号，以真身与网民对话：“大家都话我好勇，咁因为评论一定有好有唔好，点解会有勇气有呢个心态去面对咁多唔好评论，我又觉得有乜所谓呢。喺连登反应好有趣，我讲嘢大家静咗，成晚冇人留言。我心谂点解冇人理我呢，跟住我喺报纸讲，话我开咗account同佢地吹水，但点解冇人应我呢？之后大家知道真系我,就好多人覆我，佢哋好开心可以直接同我对话。我觉得冇问题呀，又唔系啲咩，当然我出现之后评论好咗好多，佢哋好得意，好似一班人系课室讲事非，突然我出嚟，佢哋就话唔好讲啦唔好讲啦，好好笑，几有趣。”
高海宁过往嘅剧集及电影精华照片。
提提大家识睇一定睇Caption！！！！！！！！！