林秀怡经常搞烂Gag 却遭男朋友敷衍 ：好伤心啰
撰文： 赖家杰
出版：更新：
林秀怡周一（27日）出席TVB综艺节目《娱乐大家》的录影，以往她也有出席一些综艺节目当嘉宾玩游戏，她说：“其实之前参加啲综艺玩嘅游戏就唔洗太用脑，用体力比较多，所以今次要用脑比较担心，平时比较少用，荒废咗，但琴晚都有上网恶补下呢个综艺，希望一阵表现唔好太过蠢。”
秀怡平常不用脑思考其实还有一个原因，她解释这是令自己放松的其中一个方法：“我好识放松㗎，我尽量一有时间就放松自己，唔放松都要放空，咁系最好，咁样感觉都会带到埋畀人开心都几好，呢样嘢好难做到。”
秀怡直认自己的性格幽默风趣及乐观，常常也制造一些笑话令身边人开心，她透露唯独是助理编导男朋友“顶佢唔顺”：“我成日讲嘢，讲啲无聊笑话佢都唔理我啰，跟住佢覆我一句哦。我讲乜佢都觉得唔好笑啰，好伤心啰，但我觉得好好笑。”