【妈妈唔易造】利嘉儿不幸两次流产　感叹8年求子路：好孤独

由得奖监制张志明和编导岑应再次联手合作的TVB真人骚《妈妈唔易"造"》正式开播，首集用“不育救星”作主题，讲到现今香港楼价贵，工时长，香港人的生活压力大而令更多人迟婚。节目更邀请曾经历过两次流产的利嘉儿（Lily），分享自己与丈夫8年的艰辛求子之路！

现年45岁的Lily在36岁时才与刘姓商人Bong结婚，虽然二人婚后马上开始造人大计，但结婚初期就发现子宫肌瘤，虽然在手术后休养两年成功怀孕，但两个月后就发现胚胎停止生长，Lily接受《香港01》访问时就直言当时打撃甚大：“当时我都好自责，会成日谂点解会冇咗BB，系咪我做错啲咩事？真系好难受……但医生就解释流产系很常见的现象，到第二次又冇咗，就冇咁难受。”

Lily亦直认在求子路上相当难受且孤独：“过程真系好孤独，当时又要睇中医又要睇西医，每日嘅工作就系打针！当时根本冇人明白你，又帮唔到你。（过程最难受系咩？）心身都好难受，除咗要打排卵针，因为我嘅血凝问题要打薄血针，打过嘅人就会知打薄血针系好痛，打完成个肚都会瘀晒，而且会‘乸’住痛，日日都要打，一路打一路喊，打足几个月。”

点撃下图睇Lily怀孕过程！

最后，当时年届40的利嘉儿决定终极一击去做IVF管试婴儿，并在去年中秋前夕生下女儿Karyssa：“睇返转头，过程好痛苦但都好感激自己挨过咗！”而怀孕过程中，Lily亦透露被不少人泼冷水：“当时会有人话我陀紧B仲染发同gel甲，当然朋友同屋企人嘅关心会接受，但我都会解释畀佢哋听呢个年代，好多成份系好天然，唔会影响到BB，事前我都做好多资料搜集先会去做。而且，医生都会讲妈妈嘅心情系最影响到BB，所以一定要保持良好嘅心态。”

点撃下图睇幸福一家三口！