【战毒】周秀娜难忘生日开工拍爱情动作片：锡到唔记得自己去咗边

周秀娜（Chrissie）今日（24日）出席护肤品牌活动，分享了属于自己的护肤心得：“我自己就比较注重保湿，虽然冬天过咗，但夏天保湿都好紧要；同埋当然系防晒，因为紫外光对皮肤嘅伤害好大，仲有成日拍戏，啲灯仲犀利过太阳。”Chrissie又大方分享自己每天的护肤程序：“其实几简单，爽肤水、之后系精华素、而家夏天就会用啲冇咁滋润嘅眼霜、夜晚就搽埋晚霜；我平时就一定会敷面膜，化妆之前或者开工之前，我会将啲面膜全部放晒喺雪柜，一起身就敷一块，觉得咁可以消水肿，又好似个人即刻醒晒！”

5月22日生日的周秀娜分享今年的生日在拍摄电视剧《战毒》中渡过：“我觉得今年嘅生日好犀利，因为之前有一年生日咁啱又系拍近戏，𠮶日就拍直升机嘅戏；今年仲犀利，直头全部戏份喺酒店，又好豪华，开咗间酒店房、夜晚又Book咗架游艇、仲搬咗啲红酒上去，然后觉得每一年生日都好犀利，如果之后再搞生日好似好难再犀利过呢啲！”Chrissie在个人社交媒体写下：“去年开工有直升机，今年开工有游艇，唔知下年⋯⋯”看来她对明年生日的期待甚高。

当问到是否剧组特意安排，娜姐就说应该只是巧合：“不过我就当系佢哋送俾我嘅生日礼物！”Chrissie又笑言自己都有跟剧组求证一切是否故意安排：“咁好嘅！全日都有个靓仔喺到、全日都系拍爱情动作片、然后又有游艇、又有酒店，好难忘，因为好少可生日系咁过，啲戏份全部都系锡锡锡锡锡锡，锡到自己都唔记得自己去咗边，我谂我以后都会记得呢一日，但生日有工开系开心嘅，仲有成个剧组同自己庆祝！”

周秀娜又透露为拍摄电视剧《战毒》，占据了三个月的档期时间，拍摄完结后她最想：“好放肆咁食一餐、放假去晒下太阳，即唔使Keep住部戏𠮶个状态；因为而家部戏个角色系好靓、好优雅、啲衫又好鬼死贴身，所以就算唔使开工嘅日子自己都唔敢放肆。”