小鲜肉杨天宇新戏“暗恋”李佳芯　同女神合照红都面晒　

李佳芯（Ali）日前与小鲜肉杨天宇（Angus）一齐拍摄广告，广告以微电影手法拍摄，分上下两集，微电影名为《可能一直都在》。

Angus于微电影中饰演职场新人，第一日返工就对上司Ali一见钟情，并积极展开追求攻势，之后佢为咗帮Ali补镬仲被炒鱿鱼。微电影入面，Angus对住上司Ali相当主动，不过镜头后，对住女神Ali嘅Angus原来系怕丑仔一名。难得有机会亲近女神，Angus当然把握机会集邮，不过影咗无数咁多张合照之后都系唔满意，猛话：“唔得呀。”Ali睇完相后讲笑咁话：“原来系你影极都唔靓。”搞到怕丑嘅Angus唔单只红都面晒！

Angus话Ali绝对系佢心目中嘅女神，“第一次同Ali合作，整个拍摄过程都好开心、顺利，佢当然亦系所有男性心目中嘅女神啦。至于耳仔红，系因为被佢笃爆咗我影极都唔靓，哈哈。”见到变咗成个红蕃茄嘅Angus，Ali除咗丧笑，仲即刻指住佢只耳仔影相，而呢张相反而成为佢哋两个最满意嘅合照。