【婚姻合伙人】仓底翻生有好评　 高海宁：剧集都有命运

高海宁（高Ling)今日（17/5）现身商台接受电台访问，为无线剧集《婚姻合伙人》宣传造势。首次担正剧集女主角，高Ling难免会紧张：“每晚我都有追睇，有时收工夜咗，我都会睇返重播，又会上网睇网民嘅留言，有一句网民嘅说话令我好开心，佢话睇呢套剧完全睇唔到系高海宁，只睇到呢个角色贝竞枝，听完呢句说话，我非常开心，系一个好大嘅鼓励与认同感。”

剧集《婚姻合伙人》17年拍摄完成，原先安排在18年暑假档期播放，但最终被抽起，播放剧集《BB来了》。高Ling回想当年剧集被抽起时，真是百般滋味在心头：“心情系少少失落嘅，因为又要睇下先有得睇，但又唔知又要等到几时，但问我系唔系唔开心，但又唔系，因为当时《BB来了》，其实我都有份做，咁所以又冇话有太大唔开心，剧集出到嚟效果又好好，李佳芯更因为呢套剧攞埋视后，咁所以每一套剧都有佢嘅命运，而《BB来了》就是佢播放最好时机，宜家就系《婚姻合伙人》最好播放时间。”