王丽嘉呻天气热故衣著性感：其实我依家已经尝试保守少少

马诗慧（Janet）和王敏德（Michael）的二女王丽嘉（Irisa）今日（15日）出席手袋品牌活动。作为名模Janet的女儿，Irisa原来在买手袋或者时装配件方面却很节制，“我自己比较少买，因为妈咪同家姐都好多嘢，所以我会拎佢哋啲嘢嚟用。如果见到真系好钟意嘅，我都会买。”

Irisa同家姐王曼喜（Kayla）作风大胆，早前在IG上载超性感的照片，爸爸Michael接受传媒访问时曾讲过情况越来越严重，有朋友问他相中人是否他女儿时，他感到尴尬，谈及此事时，Irisa表示：“咁佢做爹哋，一定会有少少（尴尬）嘅，不过佢自己都冇同我讲话叫我唔好再post，所以冇乜所谓啦。（但你会唔会以后尽量少啲post太性感嘅相？）都唔会！如果我想post我都会照post。”

被问到Irisa平时的衣著会否都习惯了性感一点，她笑言是因为夏天天气太热，不过她补充：“其实我依家已经尝试保守少少。”Irisa有model身形，不止有fit爆线条，更有5呎11吋的模特儿身高，令人非常羡慕，但原来她平时都没有特别狂做运动去操fit自己，主要会做Pilates，“我又唔系做好多运动嘅，食嘢紧要啲，唔好食太多。（你会唔会好刻意控制饮食？）我想食嘅都会食，可能系天生系咁。”拥有“最强基因”，大家真的恨唔到咁多了！