【法证先锋IV】汤洛雯挨义气顶黄心颖角色：有Send短讯同佢讲声

汤洛雯（靓汤）今日（11日）出席《婚姻合伙人》活动，剧中饰演男主角郎朝勇（杨明饰）妹妹郎朝信，并与黄德斌有感情线：“佢系花花公子、城中富豪，我性格就比较爱恨分明，其实一开始对佢有偏见；后来佢受伤嚟咗我哋医院，咁啱又系我照顾佢，然后就开始发展。”

“安心事件”不但为大家制造茶余饭后的话题，亦对娱乐圈造成一定影响，《法证先锋IV》监制梅小青日前便宣布花费千万重拍黄心颖的相关戏份，而黄心颖的角色由汤洛雯顶替，靓汤说：“六月头开始拍，所以得返两、三个星期揣摩角色，又要Keep Fit。”问到有否在事情发生后与好友黄心颖联络，靓汤说：“佢而家需要啲空间，所以都唔Comment太多。我都有Send短讯去交代呢件事、讲声接咗个角色。（心颖有回复？）呢方面唔讲太多喇。”

监制梅小青要求靓汤在拍摄前体重要减去10磅，汤洛雯说：“因为我都有啲肉地，但女仔开心有自信就咩身材都好睇；但上镜就始终瘦啲会睇落靓啲，所以我都好愿意去配合。我对自己身形肥下瘦下都冇乜所谓，反而健康最紧要。”为了准备拍摄，靓汤已经开始减磅数天：“今次几管齐下！又节食、做运动、按摩推拿，几样加埋一齐我相信都快嘅，因为我自己本身系偏水肿，所以体重都容易上上落落。（如何节食？）系食得健康，始终六月都比较忙，所以都唔想身体底子太弱。朝早饮Smoothie、晏昼食淀粉质、夜晚就食菜同肉，但冇话跟一个好实嘅餐单。运动方面就每日做一个钟带氧运动、再加少少肌肉锻炼，喺屋企都做到。”