曾与圈外女友订婚变分手　 杨明：筹备婚礼时觉得唔系好Work

杨明同女友庄思明拍拖两年几，感情有增无减，而杨明亦不时放风想成家立室。讲到婚姻大事，其实杨明曾在2013年与圈外女友Joanna求婚，二人甚至影晒婚照、订埋酒席，但最后结婚变分手，但事后杨明一直未有交代原因。

日前杨明接受商台《1圈圈 星光背后》访问时，主持人梁泰来指杨明当年为婚事花了大半身家，问到为何最后会变分手，杨明表示与前度拍拖3年，对方一直于美国生活，偶尔会来香港。“到谈婚论嫁都无咩问题 ，甚至宣布订婚都唔觉有问题，佢都系咁喺美国做嘢，但到筹备时有少少拗撬，觉得唔系好对路，发现原来分开两地系唔太work，唔系过个海咁简单，可能大家都会向现实方面谂，所以就协议分手。”问到分手后，婚戒、婚照如何处理，杨明就尴尴尬尬咁笑一笑话：“都系一个回忆嚟嘅。”

节目中，杨明亦提到自己先后于05年因醉驾、07年刑毁而差点断送演艺事业。“一开始唔觉得有问题，系后来去到无人用，觉得自己玩完，当时好多前辈、同事都同我分析，我衰咗两次都仲未被公司炒，证明仲有期望。”杨明表示当时十分心噏，因为觉得一直在浪费机会。“有次珍姐（曾励珍）问我系未想继续做，话唔系就唔好嘥佢时间，叫我唔好令佢孭镬，佢撑咗我一下。”他表示再次报读艺员训练班后，开始明白做戏是什么，亦明白机会唔一定属于自己。虽然当时未有很多好角色，做死尸、强奸犯，但都一样尽做，亦感激公司给予机会，在剧集《天天天晴》为他加插冼璞一角，令他成功塑造上进青年的角色。

点撃睇杨明同庄思明恩爱图：