【武博】罗浩铭拍《铁探》用铰剪脚误伤姜皓文：佢完全唔介意整亲

罗浩铭（Ken）今日（3日）以武博大使身份出席武博活动，并在武博现场游玩“熄灯大师”及“一击即碎”摊位游戏，Ken忆起从小刚接触武术时就十分有兴趣：“我好记得5岁就想学武术，爸爸第一次带我去戏院就系睇动作片，睇完就好想学，但𠮶阵妈妈就因为我有哮喘所以唔畀，直到13岁先有自主权去报名学。”

练功夫从来都是一件辛苦的事，Ken说：“但呢个辛苦系你会Enjoy，你唔会介意呢个辛苦，因为呢个付出系一定有回报。”问到Ken会多久练功一次，他说：“拍摄工作忙嘅时候都尽量Keep住一星期2、3次，平时就4、5次；我会睇个状态，例如今日3场，每场都淋漓尽致，咁3场就够，要善用时间。”

Ken近日在无线电视剧《铁探》中饰演营长手下Eddy，他日前就在节目中大叹没有感情戏：“有就最好啦，冇都唔紧要嘅，我好明白自己嘅角色喺边度，但当然作为一个演员想有多啲唔同尝试，我相信观众都有兴趣见到我做动作以外嘅戏。”又笑言最想与“黑寡妇”施嘉莉祖安逊（Scarlett Johansson）拍感情戏。

罗浩铭又分享了拍摄《铁探》时最深刻的一场戏：“有一场我同黑哥姜皓文对打，我要用铰剪脚飞身去夹佢，导演安排咗替身俾黑哥，但黑哥话要自己做，因为我着住军靴，一夹嘅时候落地就撞到黑哥个下巴一下，咁我好惊撞亲佢，但黑哥完全冇话责怪我，一起身就去睇Playback，即系佢完全唔介意整亲，只要拍得靓就得。”问到拍打戏时会不会怕伤到其他演员而就力，还是为好睇而次次出尽全力，Ken说：“两种情况都会有，对住完全唔识打嘅人或者女士就会就力，再靠镜头去帮；当两个都识打就出尽全力。”