【法证先锋IV】无线决定重拍　陈炜：未知边个代替黄心颖

电影《婚姻的童话》今日（3/5）于沙田石门举行开镜拜神仪式，出席演员包括有陈炜、关礼杰、王贤志、文凯玲、陈嘉桓等人，祈求拍摄顺。在戏中炜哥（陈炜）与关礼杰是结婚多年的恩爱夫妻，因关礼杰“出轨”导致婚姻出现危机。炜哥直言：“呢套电影正正反映现实生活婚姻所遇到嘅事，系一个好写实嘅电影，系一个好好嘅题材。”

因“安心”事件，无线剧集《法证先锋IV》决定重拍。炜哥直言：“我哋已经收到指令，嚟近5至6月将要重拍，而自己本身牵涉同黄心颖戏份唔多，因为同佢嘅线分得好开，咁所以影响我唔会太大，都系几场戏啫，但知道会有啲场景系会修改过，但故事结构有冇变就唔知，都未知边个代替心颖个角色。”（补拍有冇薪酬？）炜哥表示：“我哋冇谂过呢个问题，反而觉得主要系我哋嘅心血可以出到街，因为宜家大家都每晚追梗重播《法证》剧集，咁所以好期待《法证IV》嘅出现，希望年底可以同大家见面。”