许靖韵获粉丝买过千灯箱广告庆生：真系好有爱

Angela近年在内地人气愈嚟愈高更吸纳唔少fans，每次出席活动、表演或者网上投票，fans们都倾巢而出为Angela造势。今年生日，Angela嘅fans在全国四个直辖市、十九个省及三十六个地级市，买下超过一千五百个嘅“丰巢”LED Mon，连续七日播放对Angela嘅生日祝福。其实香港地区都有份，fans在湾仔地铁站亦都买咗灯箱广告，更联同连锁台式饮品店合作制作生日杯套。

除咗豪掷千金买灯箱广告，歌迷仲好有善心，佢哋用咗Angela嘅名义做咗两个公益活动，令Angela嘅生日过得更有意义。Angela见歌迷咁有心都好开心，“咁嘅形式去庆祝系第一次，入行后歌迷都会送礼物俾我 ，但其实唔想佢哋咁嘥钱，因为好多都仲系学生读紧书。有时大家倾吓偈，讲吓近况，都已经好开心。今次买灯箱广告去庆祝真系第一次，冇谂过，好惊喜好开心，佢哋仲用我个名去做慈善，真系好有爱。知道歌迷真系好锡我，所以我要更加努力，创作多啲好嘅作品回报番佢哋。”