Instagram屏蔽照片赞好数字？　冯盈盈反行其道：放多啲福利图

有消息指，Instagram有意隐藏所有照片和影像片段的公开赞好数字，即粉丝用户将不再看得到自己Follow的“女神”的照片有多少Like。虽然，对一众IG玩家们的影响可能微乎其微，但对“女神”或是K.O.L. 一众要经常Post相呃Like的公众人物来说，或多或少都会有影响。不过，2016年香港小姐，IG座拥近30万追踪者的冯盈盈接受《香港01》访问时，却表示对此改动毫不介意：“我反而会玩多啲。”

冯盈盈（Crystal）说接受《香港01》访问时说：“Post IG相都系想有啲嘢，或者生活上嘅嘢俾人见到，但系To Be Honest，对人都系市场上嘅一个Item，要跟返个Trend走。坦白讲，Post相都会有限制，Post出嚟张相会有几多Like呢，多唔多呢？可能有时啲嘢想Post出嚟分享，可能Post出嚟冇咁多Like，可能最后就会算唔Post，会却步，但系如果冇咗呢个Like数，反而会更加自由自在。冇咗Like数，仲反而会Free咗，大家真系可以互动，纯粹为咗沟通，而唔系为咗Like数，求学不是求分数吖嘛。”

Instagram取消Like数有影响？　江嘉敏：Post相唔系博有几多Like

广告收入又会否受影响而减少？FYY回答说：“客户揾我合作，其实都唔系因为我啲Like数多，而系因为我IG个Profile系符合产品个Selling Point，同埋你睇我IG Like数都唔系特别多，我都冇买Like嘅，所以呃Like对我嚟讲都唔系好紧要。冇咗Like数，其实成个人都轻松晒。”她表示如IG政策实行，反而会Post更多数量以及更多种类照片，是否即是会有更多“福利图”？她回答：“譬如大家会期待嘅泳衣、浸温泉或温浴嘅相，喺我哋眼中其实都好冇安全感，会觉得有啲位未够完美，惊会俾人挑剔，Like数唔够多又会俾人攞嚟比较。如果冇咗Like数限制，就可以好自己咁分享俾大家睇。”