【机动部队2019】杨潮凯转约多机会　望铺路杀入荷里活

杨潮凯、李璧琦、张达伦、伍富桥、安俊豪与无线行政总裁李宝安今日（30日）一同出席由TVB与香港警务处联合制作的电视电影《机动部队2019》发布会。杨潮凯早前就宣布与TVB结束经理人合约，不再做“亲生仔”，他透露回复自由身后陆陆续续收到不少朋友与粉丝的鼓励：“原来我系咁受祝福，感觉真系好温暖，觉得自己做咗10年完全冇白费！（会唔会俾自己抖一抖先？）唔抖喇，而家手停口停，嚟紧会有啲商演，7、8月左右都拍剧集《使徒行者3》，而且仲倾紧几套内地嘅电影同剧集，希望都可以返内地参与吓唔同嘅制作。”

除了进军内地市场外，曾经到曾到纽约留学修读一个月的Film Acting 课程的杨潮凯亦透露自己会尝试参与美国荷里活的制作：“我之前喺美国读书有几位同学都喺荷里活发展紧，佢哋都有叫我过去试吓，话𠮶边都几需要一啲华人嘅角色，所以有机会都飞去𠮶边试吓，所以我都好期待自己之后嘅发展。”

至于在《机动部队2019》饰演水警的他就透露自己是香港电视史上首个水警，更笑言：“喺现实我一定做唔到水警，因为我喺船舱几个钟已经晕船浪，我哋架船驶到去近公海嘅位拍，好抛，好想呕！但阿Sir竟然话已经唔算大浪，再抛啲我真系抵受唔住，所以好佩服佢哋。”