【杜汶泽程美段】拖量事件互片　庄端儿：如果拖我直踩黄竹坑追

曾为无线节目《美女厨房》担任美女学徒程美段，日前向记者爆出被杜汶泽拖欠薪金，事后两人在社交平台隔空驳火，互数不是。庄端儿今日（30/4）出席活动时表示：“虽然我有帮阿泽（杜汶泽）打过工，拖粮未发生过喺我身上，因为其实我又准时出粮，第一佢无乜拖过我粮，我哋又合作好愉快，咁所以唔方便批评。”

（有冇讲明几时出粮）端儿直言：“其实我哋呢一行真系冇讲实几时出得粮嘅日期，但系好似我咁3月做完嘢，月尾我就会问直接问豪仔：‘我张票准备好未呀’，豪仔都会即时覆我，通常佢哋都准备咗。”（发生系你身上点处理？）端儿表示：“我第一时间即刻疯狂揾豪仔先嘅，如果揾唔到佢我会上门揾，直踩上黄竹坑，唔会Whatsapp㗎，咁佢一定会见到我嘅，如果搞唔点咪揾杜先生（杜汶泽），我又唔系冇佢电话。”